హైదరాబాద్లోని ఓటర్లు స్పెషల్ ఇంటెన్సివ్ రివిజన్ (SIR) గణన పత్రాలను నింపేటప్పుడు ఎదురవుతున్న గందరగోళాన్ని తొలగించేందుకు గ్రేటర్ హైదరాబాద్ మున్సిపల్ కార్పొరేషన్ (GHMC) కీలక నిర్ణయం తీసుకుంది. 2002 అసెంబ్లీ నియోజకవర్గాలను, ప్రస్తుత 2025 నియోజకవర్గాలకు మ్యాప్ చేస్తూ ఒక సూచనా జాబితాను అధికారులు విడుదల చేశారు.
గతంలో 2002 SIR సమయంలో నియోజకవర్గాల పేర్ల విషయంలో ఓటర్లు ఇబ్బందులు ఎదుర్కొన్నారు. ఈ సమస్య పునరావృతం కాకుండా, ఎన్నికల రోల్ సవరణ ప్రక్రియలో తప్పులు దొర్లకుండా ఉండేందుకు ఈ మ్యాపింగ్ జాబితా ఉపయోగపడుతుంది.
ప్రస్తుత 2025 అసెంబ్లీ నియోజకవర్గాలు, గతంలో ఏ నియోజకవర్గాల పరిధిలో ఉండేవో ఈ జాబితా ద్వారా ఓటర్లు సులభంగా తెలుసుకోవచ్చు. దీనివల్ల SIR గణన పత్రాలను పూర్తి చేసేటప్పుడు సరైన వివరాలను నమోదు చేయడం సులభతరం అవుతుంది.
