ప్రభాస్ నటిస్తున్న 'ఫౌజీ' సినిమాను ఈ ఏడాది డిసెంబర్ 3న విడుదల చేయాలని చిత్ర బృందం నిర్ణయించింది. అయితే, సినిమా షూటింగ్ ఇప్పటివరకు 70% నుండి 75% మాత్రమే పూర్తయింది. ఇంకా 30% షూటింగ్ బ్యాలెన్స్ ఉండటంతో, నిర్ణీత సమయానికి సినిమాను సిద్ధం చేయడం దర్శకుడు హను రాఘవపూడికి సవాలుగా మారింది.
ప్రస్తుతం పెండింగ్లో ఉన్న 30% షూటింగ్లో భారీ యాక్షన్ సీక్వెన్స్లు, కీలక సన్నివేశాలు ఉన్నాయి. డిసెంబర్ 3న సినిమా విడుదల కావాలంటే, పోస్ట్-ప్రొడక్షన్ మరియు భారీ గ్రాఫిక్స్ పనుల కోసం కనీసం 2-3 నెలల సమయం అవసరం. ఈ నేపథ్యంలో, మిగిలిన షూటింగ్ను రాబోయే 3-4 నెలల్లో పూర్తి చేయడంపైనే సినిమా విడుదల ఆధారపడి ఉంది.
మరోవైపు, సందీప్ రెడ్డి వంగా దర్శకత్వంలో ప్రభాస్ నటించాల్సిన 'స్పిరిట్' సినిమాపై కూడా చర్చ నడుస్తోంది. ఈ చిత్రాన్ని 2027 మార్చి 5న విడుదల చేస్తామని గతంలోనే ప్రకటించారు. అయితే, ప్రభాస్ 'స్పిరిట్' షూటింగ్కు విరామం ఇచ్చి 'ఫౌజీ' షూటింగ్లో పాల్గొంటున్నారని సమాచారం.
దీంతో 'స్పిరిట్' షూటింగ్ పనులు ఆలస్యమవుతున్నాయి. అసలు షూటింగే ఇంకా పట్టాలెక్కకపోవడంతో, 2027 మార్చి 5 నాటికి 'స్పిరిట్' సిద్ధం కావడం అసాధ్యమని చిత్ర వర్గాలు భావిస్తున్నాయి. గతంలో 'సలార్', 'కల్కి' చిత్రాల విషయంలో జరిగినట్లుగానే, ప్రభాస్ సినిమాలంటే వాయిదాలు ఖాయమనే అభిప్రాయం పరిశ్రమలో వినిపిస్తోంది.
