అమెరికా సుప్రీం కోర్టు అధ్యక్షుడు ట్రంప్ జారీ చేసిన జన్మతః పౌరసత్వం నిరోధ ఉత్తర్వును కొట్టేసింది. అమెరికా గడ్డపై జన్మించిన ప్రతి పిల్లలకు పౌరసత్వం హక్కు ఉంటుందని 14వ రాజ్యాంగ సవరణ ప్రకారం న్యాయస్థానం స్పష్టం చేసింది.
ట్రంప్ జనవరి 20, 2025న జారీ చేసిన ఈ ఉత్తర్వు ప్రకారం, అమెరికాలో చట్టవిరుద్ధంగా లేదా తాత్కాలిక వీసాలపై నివసిస్తున్న తల్లిదండ్రులకు జన్మించిన పిల్లలకు పౌరసత్వం లభించదు. ఈ నిర్ణయం కోట్ల మంది వలసదారుల కుటుంబాలకు భయాన్ని కలిగించింది.
సుప్రీం కోర్టు ఈ తీర్పులో అమెరికా అంతర్యుద్ధం తర్వాత బానిసత్వం నుంచి విముక్తి పొందిన వారి పౌరసత్వ హక్కులను రక్షించడానికి రూపొందించిన 14వ సవరణను ప్రస్తావించింది. చీఫ్ జస్టిస్ జాన్ రాబర్ట్స్ ఈ హక్కు ప్రతి వ్యక్తికీ పుట్టుకతోనే లభిస్తుందని పేర్కొన్నారు.
అమెరికాలో లక్షల మంది తెలుగువారు ఉన్నారు, వారి పిల్లలకు ఈ తీర్పు నేరుగా ప్రభావం చూపుతుంది. విద్యార్థులు, పని వీసా హోల్డర్లు, అక్రమ వలసదారుల కుటుంబాలు ఈ నిర్ణయంతో ఒక పెద్ద ఊరట పొందారు.
ఈ తీర్పును పౌర హక్కుల సంస్థలు, వలసదారుల హక్కుల కోసం పనిచేస్తున్న సంస్థలు స్వాగతించాయి. మాజీ బైడెన్ ప్రభుత్వ సలహాదారు అజయ్ భుటోరియా దీన్ని చరిత్రాత్మక విజయంగా అభివర్ణించారు. ట్రంప్ ఇంకా ఈ తీర్పుపై ప్రతిస్పందించలేదు.
