జబర్దస్త్ షో ద్వారా గుర్తింపు పొందిన రాకింగ్ రాకేష్, తన ప్రేమను వ్యక్తపరిచేందుకు ఎంచుకున్న ప్రదేశం అందరినీ ఆశ్చర్యపరుస్తోంది. సాధారణంగా ఎవరైనా రొమాంటిక్ ప్రదేశాలను ఎంచుకుంటే, రాకేష్ మాత్రం సుజాతను అర్ధరాత్రి శ్మశానవాటికకు తీసుకెళ్లి తన ప్రేమను చెప్పాడు. అయితే, రాకేష్ ఎప్పుడూ సరదాగా మాట్లాడుతుంటాడని భావించిన సుజాత, ఆ సమయంలో అతని మాటలను సీరియస్గా తీసుకోలేదు.
ఒకసారి సుజాత తన తల్లితో ఫోన్లో మాట్లాడుతుండగా, రాకేష్ ఫోన్ లాక్కుని నేరుగా ఆమె తల్లికి తన ప్రేమను చెప్పేశాడు. దీంతో సుజాత కుటుంబ సభ్యులు ఆశ్చర్యపోయారు. రాకేష్ జోక్ చేస్తున్నాడని సుజాత వారికి సర్దిచెప్పింది. ఆ తర్వాత రాకేష్ తన ఇంటికి సుజాతను పిలిపించి, కుటుంబ సభ్యుల సమక్షంలో తన ప్రేమను సీరియస్గా వివరించాడు. అప్పుడే రాకేష్ ఉద్దేశం అర్థమైందని సుజాత తెలిపింది.
ఇరు కుటుంబాల అంగీకారంతో రాకింగ్ రాకేష్, జోర్దార్ సుజాత 2023 ఫిబ్రవరి 24న తిరుమలలో వివాహం చేసుకున్నారు. వీరిద్దరికీ 2024 ఆగస్టులో ‘ఖ్యాతిక’ అనే పాప జన్మించింది. ప్రస్తుతం రాకేష్ టీవీ షోలు, సినిమాలతో బిజీగా ఉండగా, సుజాత తన కూతురి పెంపకంలో నిమగ్నమై ఉన్నారు.
