Chess.com నిర్వహించిన వీక్లీ టైటిల్డ్ మంగళవారం ఈవెంట్లో 15 ఏళ్ల వందన్ అలంకార్ సవాయ్ అద్భుత విజయం సాధించాడు. చెస్ క్రీడలో ప్రపంచ నంబర్ 1 స్థానంలో ఉన్న మాగ్నస్ కార్ల్సన్ను వందన్ 50 ఎత్తుల్లోనే ఓడించాడు.
ఈ మ్యాచ్లో 2,288 ఈఎల్వో రేటింగ్ (చెస్ క్రీడాకారుల నైపుణ్యాన్ని కొలిచే పద్ధతి) ఉన్న వందన్, దిగ్గజ ఆటగాడైన కార్ల్సన్పై పైచేయి సాధించాడు. కార్ల్సన్ ఆటకు సంబంధించి కీలకమైన పొరపాటు చేయడంతో తాను షాకయ్యానని వందన్ మ్యాచ్ తర్వాత పేర్కొన్నాడు.
ఈ విజయం సాధించిన విషయాన్ని వందన్ మొదట తన తల్లిదండ్రులకు కూడా చెప్పలేదు. చివరకు ఆ విషయం తెలుసుకున్న వారు తమ కుమారుడి ప్రతిభకు ఎంతో సంతోషించారు.
భవిష్యత్తులో అంతర్జాతీయ స్థాయిలో మాస్టర్గా గుర్తింపు పొందడమే తన లక్ష్యమని వందన్ తెలిపాడు. తన వయసు వారు ఇప్పటికే గ్రాండ్మాస్టర్లుగా ఎదిగారని, తాను కూడా ఆ హోదాను అందుకుంటానని వందన్ ధీమా వ్యక్తం చేశాడు. గ్రాండ్మాస్టర్ హోదా సాధించే వరకు చదువులో భాగంగా చరిత్ర, రాజనీతి శాస్త్రంపై దృష్టి సారిస్తానని వందన్ వివరించాడు.
