టీమిండియా మాజీ కెప్టెన్ మహేంద్ర సింగ్ ధోని అసలు ఇంటిపేరు 'ధౌని'. 1981 జూలై 7న రాంచీలో జన్మించిన ధోని కుటుంబ మూలాలు ఉత్తరాఖండ్లోని అల్మోరా జిల్లా ల్వాలీ గ్రామానికి చెందినవి. ఆయన తండ్రి పాన్ సింగ్, తల్లి దేవకీ దేవి.
రాంచీలోని DAV జవహర్ విద్యా మందిర్లో చదువుతున్న సమయంలో ధోని ఇంటిపేరు 'Dhauni'కి బదులుగా 'Dhoni'గా నమోదైంది. ఈ స్పెల్లింగ్ తప్పిదాన్ని సరిచేయడానికి కుటుంబ సభ్యులు ప్రయత్నించినప్పటికీ, అది అధికారికంగా మారలేదు. దీంతో విద్యా రికార్డుల నుంచి క్రికెట్ ప్రపంచం వరకు ఆయన 'ధోని'గానే గుర్తింపు పొందారు.
చిన్నతనంలో ఫుట్బాల్ గోల్కీపర్గా ఉన్న ధోనిని, కోచ్ కేశవ్ బెనర్జీ క్రికెట్ వైపు మళ్లించారు. క్రికెట్ కెరీర్ కోసం ప్రయత్నిస్తూనే, 2001 నుంచి 2003 వరకు ఖరగ్పూర్లో రైల్వే ట్రావెలింగ్ టికెట్ ఎగ్జామినర్గా పనిచేశారు. దేశవాళీ మ్యాచ్లలో రాణించి 2004లో అంతర్జాతీయ క్రికెట్లోకి అడుగుపెట్టారు.
ధోని నాయకత్వంలో భారత జట్టు 2007 టీ20 ప్రపంచకప్, 2011 వన్డే ప్రపంచకప్లను గెలుచుకుంది. ఒక చిన్న స్పెల్లింగ్ పొరపాటుతో మారిన పేరు, చివరకు ప్రపంచ క్రికెట్లో ఒక బ్రాండ్గా నిలిచిపోయింది.
