బిగ్బాస్ తెలుగు సీజన్-9లో రన్నరప్గా నిలిచిన తనూజ, ఇప్పుడు వెబ్ సిరీస్ ప్రపంచంలోకి అడుగుపెడుతోంది. 'పార్ట్ టైమర్స్' పేరుతో రూపొందిన ఈ సిరీస్లో ఆమె ప్రధాన పాత్రలో నటిస్తుండగా, జ్ఞానేశ్వరి కాండ్రేగుల మరో కీలక పాత్రలో కనిపించనుంది.
ఈ సిరీస్ కథ 30 ఏళ్లలోపు వయసు ఉండి, వ్యాపార రంగంలో విజయం సాధించాలని కలలు కనే ఇద్దరు యువతుల చుట్టూ తిరుగుతుంది. తమ లక్ష్యాల కోసం వారు ఎదుర్కొనే సవాళ్లు, ప్రయాణంలో ఎదురయ్యే మలుపులను వినోదాత్మకంగా, ఎమోషనల్గా ఈ సిరీస్లో చూపించనున్నారు.
కెరీర్, స్నేహం, కష్టాలు మరియు వినోదం వంటి అంశాల కలయికతో ఈ సిరీస్ను రూపొందించారు. ఇప్పటికే విడుదలైన ప్రోమో ప్రేక్షకుల్లో ఆసక్తిని పెంచగా, యువతకు ఈ కథ బాగా కనెక్ట్ అవుతుందని మేకర్స్ భావిస్తున్నారు.
బిగ్బాస్ తర్వాత నటిగా తనూజకు ఈ వెబ్ సిరీస్ ఎలాంటి గుర్తింపు తెస్తుందో చూడాలి. ఆగస్టు 28న జియో హాట్స్టార్లో ఈ సిరీస్ స్ట్రీమింగ్ ప్రారంభం కానుంది.
