2021లో విడుదలైన మలయాళం చిత్రం 'నిళల్' ప్రస్తుతం తెలుగు వెర్షన్లో ఆహా ఓటీటీలో స్ట్రీమింగ్ అవుతోంది. హారర్ మరియు థ్రిల్లర్ సినిమాలను ఇష్టపడే ప్రేక్షకులకు ఈ చిత్రం ఒక మంచి ఎంపికగా నిలుస్తుంది.
ఈ సినిమా కథ జాన్ బేబీ అనే ఫస్ట్ క్లాస్ జ్యుడీషియల్ మేజిస్ట్రేట్ చుట్టూ తిరుగుతుంది. ఒక ప్రమాదం తర్వాత మానసిక సమస్యలతో ఇబ్బంది పడుతున్న జాన్ బేబీకి, నితిన్ అనే 8 ఏళ్ల చిన్న పిల్లాడు పరిచయమవుతాడు. నితిన్ చెప్పే హత్యల కథలు, నిజ జీవితంలో జరిగిన సంఘటనలతో సరిపోతుండటం జాన్ బేబీని ఆశ్చర్యానికి గురి చేస్తుంది.
నితిన్కు ఈ హత్యల గురించి ఎలా తెలుసు, అతను ఊహించి చెబుతున్నాడా లేక నిజమైన సంబంధం ఉందా అనే అంశాల చుట్టూ కథ ఆసక్తికరంగా సాగుతుంది. నితిన్ తల్లి శర్మిల పాత్ర, జాన్ బేబీ తన సమస్యలతో పోరాడుతూనే ఈ కేసును ఎలా ఛేదించాడనేది మిస్టరీగా మారుతుంది. ఊహించని మలుపులతో సాగే ఈ సినిమా ప్రేక్షకులను సీట్ ఎడ్జ్ లో కూర్చోబెడుతుంది.
