నీట్ పరీక్ష, ప్రశ్నపత్రాల లీకులు మరియు తప్పుడు ప్రచారాన్ని నియంత్రించే ఉద్దేశ్యంతో కేంద్ర ప్రభుత్వం టెలిగ్రామ్ యాప్ను భారత్లో తాత్కాలికంగా నిషేధించింది. నేషనల్ టెస్టింగ్ ఏజెన్సీ (NTA) సిఫారసు మేరకు జూన్ 21న జరిగే పరీక్ష నేపథ్యంలో జూన్ 22 వరకు ఈ ఆంక్షలు అమలులో ఉంటాయని అధికారులు తెలిపారు. ఇప్పటికే గూగుల్ ప్లే స్టోర్ నుంచి ఈ యాప్ను తొలగించగా, ఆపిల్ కూడా ఇదే విధమైన చర్యలకు సిద్ధమవుతోంది.
ఈ నిర్ణయంపై టెలిగ్రామ్ సీఈఓ పావెల్ దురోవ్ ఎక్స్ వేదికగా స్పందిస్తూ, కొందరు చేసిన తప్పుకు 150 మిలియన్లకు పైగా ఉన్న భారతీయ వినియోగదారులను శిక్షించడం సమంజసం కాదని అన్నారు. యాప్ను నిషేధించినా లీకులు ఆగవని, అవి కేవలం ఇతర ప్లాట్ఫామ్లకు మారుతాయని, అసలు సమస్యను పరిష్కరించకుండా సామాన్యులపై భారం మోపడం సరికాదని ఆయన అభిప్రాయపడ్డారు. కాగా, ఎన్టీఏ డైరెక్టర్ జనరల్ అభిషేక్ సింగ్ మాట్లాడుతూ, ప్రస్తుతం కొత్త ప్రశ్నపత్రం లీక్ కాలేదని, కేవలం సోషల్ మీడియాలోని తప్పుడు వార్తల వల్ల విద్యార్థుల్లో ఆందోళన నెలకొందని వివరించారు.
