అనంతపురం జిల్లాలో మాజీ ఎమ్మెల్యే తోపుదుర్తి ప్రకాష్ రెడ్డి ప్రయాణిస్తున్న వాహనాన్ని ఒక టిప్పర్ ఢీకొట్టే ప్రయత్నం జరిగింది. ఆ టిప్పర్ కళ్యాణదుర్గం ఎమ్మెల్యే సురేంద్రబాబుకు చెందిన ఎస్ఆర్ కన్స్ట్రక్షన్కి చెందిందని ఆయన ఆరోపించారు.
ఇది ముందు జరిగిన ఘటనల క్రమంలో ఒకటి. తోపుదుర్తి ప్రకాష్ రెడ్డి సోదరుడు తోపుదుర్తి రాజశేఖర్ రెడ్డి ఒక యువకుడి ఆత్మహత్య కేసులో అరెస్ట్ అయ్యాడు. ఆ తర్వాత ఆయనకు ఉన్న గన్మెన్లను తీసేశారు.
ప్రకాష్ రెడ్డి ఈ ఘటనలన్నిటినీ టీడీపీ నాయకులు లోకేష్ ద్వారా నడిపించిన కుట్రగా పేర్కొన్నారు. ఆయన అధికార పార్టీపై చేస్తున్న ప్రశ్నలు, పోరాటం వల్ల వారు ఉక్కిరిబిక్కిరి అవుతున్నారని, ఇది నా అడ్డు తొలగించుకునే ప్రయత్నం అని ఆరోపించారు.
టీడీపీ నాయకులు ఈ ఆరోపణలకు కౌంటర్ ఇచ్చారు. నీ పార్టీ వాళ్లే నిన్ను పట్టించుకోవడం లేదు, నువ్వు నడిరోడ్డు మీద చాప వేసుకున్నా మాట్లాడించే వారు లేరని చెప్పారు. నీ వ్యవహారశైలి వల్లే ఇలా ఉందని అన్నారు.
పరిశీలకులు ఇప్పుడు తోపుదుర్తి ప్రకాష్ రెడ్డి అనంతపురం వైసీపీలో ఒంటరి అయ్యారని అంటున్నారు. సోదరుడు అరెస్ట్ అయ్యాక కూడా వైసీపీ నేతలు ఏ ఒక్కరూ ఆయనకు సపోర్ట్ చేయలేదని చెబుతున్నారు.
