టాటా మోటార్స్ తన ఈవీ కార్ల అమ్మకాలను పెంచుకోవడానికి మొత్తం రూ.3.35 లక్షల వరకు డిస్కౌంట్లను ప్రకటించింది. ఈ తగ్గింపులు క్యాష్ డిస్కౌంట్, ఎక్స్చేంజ్ లేదా స్క్రాపేజ్ బోనస్, ఇంటర్వెన్షన్ బెనిఫిట్ మరియు లాయల్టీ బోనస్ల కలయికగా ఉంటాయి. కర్వ్ EV మోడల్ పై ఈ డిస్కౌంట్ అత్యధికంగా ఉంటుంది.
కర్వ్ EV పై నగదు డిస్కౌంట్ రూ.3 లక్షల వరకు ఉంటుంది. ఇది ఇతర టాటా ఈవీలపై ఇచ్చే నగదు తగ్గింపుల కంటే ఎక్కువ. ఈ డిస్కౌంట్లు మే 2026లో వచ్చే X సిరీస్ అప్డేట్ కు ముందు కర్వ్ EV వేరియంట్లకు మాత్రమే వర్తిస్తాయి.
హారియర్ EV పై నగదు డిస్కౌంట్ లేదు. బదులుగా, రూ.1 లక్ష ఇంటర్వెన్షన్ బెనిఫిట్, రూ.1 లక్ష లాయల్టీ బోనస్ మరియు రూ.75వేల స్క్రాపేజ్ లేదా ఎక్స్చేంజ్ బోనస్ లభిస్తాయి. ఈ బెనిఫిట్లు జూలై 2026 నుంచి అమలులోకి వస్తాయి.
పంచ్ EV LR వేరియంట్ పై రూ.1.1 లక్ష నగదు డిస్కౌంట్ తోపాటు మొత్తం రూ.1.45 లక్షల వరకు బెనిఫిట్లు ఉన్నాయి. MR వేరియంట్లు రూ.1.25 లక్షల వరకు బెనిఫిట్లను అందిస్తాయి, ఇందులో రూ.90వేల నగదు డిస్కౌంట్ ఉంటుంది.
టాటా టియాగో ఈవీ పై ప్రీ ఫేస్ క్రిప్ట్ మోడల్ కు రూ.1.45 లక్షల వరకు డిస్కౌంట్లు ఉన్నాయి. MR వేరియంట్లు రూ.65వేల వరకు డిస్కౌంట్ అందిస్తాయి. నెక్సాన్ EV పై కంపెనీ అత్యల్ప డిస్కౌంట్ ఇస్తోంది — మొత్తం రూ.50వేల వరకు నగదు మరియు ఎక్స్చేంజ్ బోనస్లతో.
