జూన్ నుంచి సెప్టెంబర్ వరకు భారతదేశంలోని కొన్ని ప్రదేశాలు రుతుపవనాల వల్ల ప్రకృతి అందాలతో పర్యాటకులను ఆకర్షిస్తున్నాయి. కేరళంలోని మున్నార్లో నైరుతి రుతుపవనాలు కొండలను పచ్చటి తివాచీగా మారుస్తాయి. ఇక్కడి ఎరవికుళం నేషనల్ పార్క్లో మేఘాల మధ్య నడక, నీలగిరి తార్ జంతువుల నివాసం, మట్టుపెట్టి డ్యామ్లో స్పీడ్ బోటింగ్ మరియు అనముడి శిఖరం ప్రధాన ఆకర్షణలు.
లడఖ్లో జూన్–జూలై నెలల్లో శీతల ఎడారి అత్యంత ఆహ్లాదకరమైన వాతావరణంతో మారుతుంది. ఖర్దుంగ్ లా పాస్, పాంగాంగ్ త్సో సరస్సు, నుబ్రా వ్యాలీ మరియు హెమిస్ మొనాస్టరీ ప్రధాన ఆకర్షణలు. నుబ్రా వ్యాలీలో రెండు మోపులున్న ఒంటెలపై సవారీ పర్యాటకులకు మరువలేని అనుభూతిని ఇస్తుంది.
మధ్యప్రదేశ్లోని పచ్మఢీ సాత్పురా పర్వత శ్రేణులలో ఉంది. ఇక్కడి పాండవ గుహలు, బీ ఫాల్స్ జలపాతం, ధూప్గఢ్ శిఖరం మరియు జటాశంకర్ గుహలు ప్రత్యేక ఆకర్షణలు. జూలై నుంచి సెప్టెంబర్ వరకు పచ్చదనం మరియు చల్లని గాలులు పర్యాటకులను ఆకర్షిస్తాయి.
కర్ణాటకలోని కూర్గ్లో కాఫీ తోటలు, అబ్బే జలపాతం, రాజాస్ సీట్, దుబారే ఏనుగుల క్యాంప్ మరియు బైలకుప్పేలోని స్వర్ణ దేవాలయం ప్రధాన ఆకర్షణలు. జూన్ నుంచి సెప్టెంబర్ వరకు ప్రకృతి అసలైన పచ్చదనం మరియు జలపాతాల జోరు పర్యాటకులను ఆకర్షిస్తుంది.
ఉత్తరాఖండ్లోని ఫ్లవర్స్ వ్యాలీలో జూన్ ప్రారంభంలో మంచు కరిగి 500 పైగా పుష్ప జాతులు విరబూస్తాయి. 87 చదరపు కిలోమీటర్లలో పరచుకున్న పూలతోటలు, హిమాలయ పర్వత సానువులు, హిమానీ నదులు మరియు అరుదైన జంతువులు ఇక్కడి ప్రత్యేకత. ట్రెకింగ్ చేయడం మరియు హేమకుండ్ సాహిబ్ గురుద్వారాను సందర్శించడం కూడా సాధ్యం.
