ఎపిలో రేపిన గాదె సాయికృష్ణ అదృశ్యం కేసులో సిఐ నాగరాజుపై సిట్ రిమాండ్ రిపోర్ట్ విజయవాడ కోర్టుకు సమర్పించింది. ప్రాథమిక విచారణలో సాయికృష్ణను లాకప్లో చంపి, శవాన్ని మాయం చేసినట్లు, పోలీస్ స్టేషన్లో తీవ్రమైన మానవ హక్కుల ఉల్లంఘన జరిగినట్లు సిట్ నిర్ధారించింది. సాయికృష్ణ తల్లి విజ్ఞప్తి మేరకు మే 18న కోర్టు సిసిటివి ఫుటేజ్ను భద్రపరచాలని ఆదేశించింది.
కానీ జూన్ 19న పరిశీలనలో మే 1 నుండి జూన్ 1 వరకు డేటా తొలగించబడినట్లు తెలిసింది. సాయికృష్ణను మే 6న పోలీసులు లాకప్లో తీసుకువచ్చిన తర్వాత తర్డీ డిగ్రీ ప్రయోగించి చంపినట్లు, శవాన్ని మాయం చేయడానికి ప్రయత్నించినట్లు సిట్ రిపోర్ట్ పేర్కొంది. న్యాయమూర్తి జిజిహెచ్లో వైద్య పరీక్షల తర్వాత జూలై 8 వరకు రిమాండ్ విధించారు.
రాజమండ్రి సెంట్రల్ జైలుకు భద్రతా ఏర్పాట్లతో నాగరాజును తరలించారు. కేసు చాలా సంక్లిష్టమైనదని, నాగరాజు దర్యాప్తుకు సహకరించడం లేదని సిట్ అధికారులు తెలిపారు.
