దర్శకుడు కోడి రామకృష్ణ రూపొందించిన ఈ భారీ ప్రాజెక్టులో పసుపతి పాత్ర కోసం మొదట తనను పిలిచారని, ఆడిషన్ కూడా జరిగిందని అరవింద్ వెల్లడించారు. అయితే కొన్ని కారణాల వల్ల ఆ పాత్ర సోనూసూద్కు దక్కిందని, అయినా నిరాశపడకుండా సినిమా సెట్కు వెళ్లడం వల్ల తనకు మరో పాత్ర లభించిందని ఆయన వివరించారు. ఒక సినిమా మనల్ని ఎంచుకుంటుంది కానీ మనం సినిమాను ఎంచుకోలేమనే తన అభిప్రాయానికి ఈ సంఘటనే నిదర్శనమని అన్నారు. అప్పట్లో పవన్ కళ్యాణ్ చిత్రంలో అవకాశం వచ్చినా, అన్నవరం మరియు అరుంధతి చిత్రాలకు ఇచ్చిన మాట కోసం ఆ అవకాశాన్ని వదులుకున్నట్లు పేర్కొన్నారు.
2006లో అన్నవరం విడుదలైతే, 2009లో వచ్చిన అరుంధతి తన ఇమేజ్ను పూర్తిగా మార్చేసిందని అరవింద్ చెప్పారు. సినిమాకు ముందు విలన్, రౌడీ పాత్రలు చేయడం వల్ల పిల్లలు, మహిళలు తనను చూసి భయపడేవారని, కానీ ఈ సినిమా తర్వాత పిల్లలు కూడా తనతో మాట్లాడే స్థాయికి ఎదిగారని ఆయన సంతోషం వ్యక్తం చేశారు. ఎన్టీఆర్, రామ్ చరణ్, ప్రభాస్ వంటి పాన్ ఇండియా స్టార్లతో పనిచేసిన అనుభవాలను పంచుకుంటూ, జనతా గ్యారేజ్ సమయంలో ఎన్టీఆర్ తక్కువగా మాట్లాడేవారని, మోహన్ లాల్ రెండుసార్లు కేరళ ఫుడ్ పెట్టారని గుర్తుచేసుకున్నారు. వినయ విధేయ రామ చిత్రం కోసం అజర్బైజాన్ వెళ్లినప్పుడు తల్లి మరణంతో గుండు చేయించుకున్నా, దర్శకుడు బోయపాటి శీను మరియు రామ్ చరణ్ ప్రోత్సాహంతో అదే లుక్లో నటించే అవకాశం దక్కిందని వివరించారు.
