దక్షిణాది సినీ పరిశ్రమలో గ్లామర్ ప్రతీకగా వెలిగిన సిల్క్ స్మితను 1984లో నటుడు అర్జున్తో కలిసి మూకీ చిత్రం చేస్తున్నప్పుడు ఖుష్బూ మొదటిసారి చూశారు. సెట్లోకి ఆమె ప్రవేశించగానే 'మేడమ్ వస్తున్నారు' అంటూ జరిగిన హడావుడి మధ్య, సిల్క్ స్మిత రాజసం, శరీర సౌష్టవం చూసి ఖుష్బూ నోరెళ్లబెట్టారు. తనకంటే కేవలం నాలుగు లేదా ఐదు సంవత్సరాలు మాత్రమే పెద్దదైనా, సిల్క్ స్మితలోని ఆకర్షణ, హుందాతనం ఖుష్బూను ఎంతగానో ఆకట్టుకున్నాయి.
సిల్క్ స్మిత కేవలం తెరపై కనిపించే గ్లామర్ బొమ్మ మాత్రమే కాదని, ఆమెలో అపారమైన తెలివితేటలు, ఆప్యాయత నిండి ఉన్నాయని ఖుష్బూ వెల్లడించారు. తెరపై పాత్రలు ఎలా ఉన్నా, నిజజీవితంలో ఆమె గొప్ప వ్యక్తిత్వం కలిగిన మహిళ అని, తాను ఎప్పుడూ ఆమెను ఆరాధిస్తూనే ఉంటానని ఖుష్బూ ఈ సందర్భంగా పేర్కొన్నారు.
