వీణవంక మండలంలోని ఘన్ముక్ల గ్రామంలోని భవాని శంకర స్వామి ఆలయ 22వ వార్షికోత్సవ వేడుకలు శుక్రవారం ఉదయం 6 గంటల నుండి సాయంత్రం వరకు విస్తరించి జరిగాయి.
ఉదయం 6 గంటలకు అఖండ దీపారాధనతో ప్రారంభమైంది. గణపతి గౌరీ పూజ, స్వస్తి పూజ పుణ్య హవచనం, ధ్వజారోహణ తర్వాత రుద్రభిషేకం, రుద్ర హోమం, పూర్ణాహుతి కార్యక్రమాలు నిర్వహించారు. ఉదయం 11 గంటలకు శివపార్వతుల కళ్యాణ మహోత్సవం ఘనంగా జరిగింది.
మధ్యాహ్నం ఒంటిగంటకు వేలాది మంది భక్తులకు అన్నదానం నిర్వహించారు. సాయంత్రం గ్రామ ప్రధాన వీధుల గుండా శివపార్వతుల రథోత్సవం ఊరేగింపు ప్రారంభమైంది. భక్తులు కొబ్బరికాయలు కొడుతూ, మొక్కులు చెల్లిస్తూ తీర్థ ప్రసాదాలు స్వీకరించారు.
ఆలయ చైర్మన్ జిన్నారపు శివకుమార్ నేతృత్వంలో ఆలయ కమిటీ సభ్యులు, గ్రామస్తులు, మహిళా భక్తులు అధిక సంఖ్యలో పాల్గొన్నారు. నవగ్రహ ఆరాధన, ప్రత్యేక పూజలు వేద బ్రాహ్మణుల ద్వారా నిర్వహించబడ్డాయి. ఆలయం రద్దీగా మారింది.
